દોહા ખાતે મેન્સ ડબલ્સમાં માનુષ અને માનવને સિલ્વર મેડલ

Spread the love

ગાંધીધામ

માનુષ શાહ અને માનવ ઠક્કરની ગુજરાતની હોનહાર જોડીએ દેશને ગૌરવ અપાવતાં વર્લ્ડ ટેબલ ટેનિસ ફીડર દોહા 2023 ટેબલ ટેનિસ ટુર્નામેન્ટમાં મેન્સ ડબલ્સમાં સિલ્વર મેડલ જીત્યો હતો.

આ પ્રતિષ્ઠિત ટુર્નામેન્ટમાં ગુજરાતની જોડી બીજા ક્રમે હતી અને તેમણે રાઉન્ડ ઓફ 16માં 15મા ક્રમની અહેમદ સાદાવી અને રૈફ રૂસ્તેમોવોસ્કીની જોડીને 3-0થી હરાવ્યા બાદ ક્વાર્ટર ફાઇનલમાં તાઇવાનના ચેન ચેઇન-એન અને હ્યુઆંગ યાન ચેંગની જોડીને 3-1થી (11-7, 11-8, 7-11, 11-7) થી હરાવી હતી.

ભારતની ડાબોડી-જમોડી ખેલાડીની માનુષ અને માનવની જોડી સેમિફાઇનલમાં હોંગકોંગની ત્રીજા ક્રમની લી હોન મિંગ અને હો કવાન સામે અત્યંત મજબૂત રહી હતી અને હરીફને 3-1થી (10-12, 11-3, 11-7, 11-8)થી હરાવીને ફાઇનલમાં પ્રવેશ કર્યો હતો.

જોકે ગુજરાતના આ ખેલાડી ફાઇનલમાં મોખરાના ક્રમની કેડ્રિક નુયતિન્ક અને જાકુબ દ્યાજસની જોડી સામે સીધા સેટમાં (8-11, 9-11, 10-12) હારી જતાં તેમને સિલ્વર મેડલથી સંતોષ માનવો પડ્યો હતો.

મેન્સ સિંગલ્સમાં 23 વર્ષના સુરતના માનવે શાનદાર પ્રદર્શન કરીને તેના ડબલ્સના જોડીદાર માનુષને 3-2 (6-11, 11-6, 11-8, 10-12, 11-8)થી હરાવ્યો હતો. વિશ્વમાં 81મા ક્રમના માનવનો ત્યાર બાદ ભારતના જ અને તેના બાળપણના આદર્શ એ. શરથ કમાલનો સામનો કરવાનો આવ્યો હતો જ્યાં તેનો 3-2 (9-11, 11-8, 7-11, 11-4, 11-4)થી વિજય થયો હતો.

જોકે પોલેન્ડના વિશ્વમાં 546 ક્રમના ખેલાડી દ્યાજસ સામેની ક્વાર્ટર ફાઇનલમાં 1-3થી (6-11, 11-9, 3-11, 10-12) પરાજય થતાં તેના અભિયાનનો અંત આવી ગયો હતો.

Total Visiters :295 Total: 1051810

By Admin

Leave a Reply

Your email address will not be published. Required fields are marked *