રાજસ્થાન કોંગ્રેસનું ચાર લાખ સરકારી નોકરી આપવાનું વચન

Spread the love

ખેડૂતોને 2 લાખ રૂપિયા સુધીની વ્યાજ મુક્ત લોન આપવામાં આવશે, યુવાનો માટે 10 લાખ નવી નોકરીઓ ઉભી કરવામાં આવશે


જયપુર
કોંગ્રેસે રાજસ્થાન વિધાનસભા ચૂંટણી માટે મેનિફેસ્ટો જાહેર કર્યો છે આ મેનિફેસ્ટો પાર્ટી કાર્યાલયમાંથી જાહેર કરવામાં આવ્યો હતો જેમાં યુવાનો, મહિલાઓ અને ખેડૂતો માટે મોટી જાહેરાતો કરવામાં આવી છે.
કોંગ્રેસ અધ્યક્ષ મલ્લિકાર્જુન ખડગેએ રાજસ્થાન વિધાનસભા ચૂંટણી માટે જયપુરના પાર્ટી કાર્યાલયમાંથી મેનિફેસ્ટો જાહેર કર્યો છે, જેમાં 4 લાખ સરકારી નોકરીઓ આપવાનું વચન આપ્યું છે જ્યારે ખેડૂતોને 2 લાખ રૂપિયા સુધીની વ્યાજ મુક્ત લોન આપવામાં આવશે. આ ઉપરાંત યુવાનો માટે 10 લાખ નવી નોકરીઓ ઉભી કરવામાં આવશે. આ સિવાય પરિવહનમાં મુસાફરી ભાડામાં ડિસ્કાઉન્ટ ઉપરાંત મફત માસિક પાસ પણ જારી કરવામાં આવશે તેમજ મહિલાઓની સુરક્ષા માટે જાહેર સ્થળોએ સીસીટીવી કેમેરા લગાવવામાં આવશે અને ગાર્ડની નિમણૂંક કરવામાં આવશે.
કોંગ્રેસની ચૂંટણી માટેની મેનિફેસ્ટોમાં કરાયેલી જાહેરાત

  • યુવાનો માટે 10 લાખ નવી નોકરીઓ ઉભી કરવામાં આવશે.
  • 4 લાખ નવી સરકારી નોકરીઓ આપવામાં આવશે.
  • મહિલાઓની સુરક્ષા માટે જાહેર સ્થળોએ સીસીટીવી કેમેરા લગાવવામાં આવશે.
  • પરિવહનમાં જારી કરાયેલ મુસાફરી ભાડા પર ડિસ્કાઉન્ટ ઉપરાંત, મફત માસિક પાસ પણ જારી કરવામાં આવશે.
  • મહિલાઓની સુરક્ષા માટે ગાર્ડની નિમણૂંક કરવામાં આવશે.
  • ખેડૂતો માટે એમએસપી માટે કાયદો બનાવવામાં આવશે.
  • 2 લાખ રૂપિયા સુધીની વ્યાજ મુક્ત લોન આપવામાં આવશે.
  • મનરેગા હેઠળ કામદારો માટે રોજગારનો સમયગાળો વધારીને 150 દિવસ કરવામાં આવશે.
  • ઈન્દિરા ગાંધી શહેરી રોજગાર ગેરંટી યોજના હેઠળ રોજગારનો સમયગાળો વધારીને 150 દિવસ કરવામાં આવશે.
  • ઓટો અને ટેક્સી ડ્રાઈવરોનો ગિગ વર્કર્સ એક્ટમાં સમાવેશ કરવામાં આવશે.
  • મેડિકલ સેક્ટરમાં ચિરંજીવી હેલ્થ પ્રોટેક્શન ઈન્સ્યોરન્સની રકમ 25 લાખ રૂપિયાથી વધારીને 50 લાખ રૂપિયા કરવામાં આવશે.
  • ચિરંજીવીને નિઃસંતાન યુગલો માટેના આઈવીએફ નેશનલ પેકેજમાં સામેલ કરવામાં આવશે.
    રાજસ્થાનના મુખ્યમંત્રી સીએમ ગેહલોતે ચૂંટણી મેનિફેસ્ટો અંગે કહ્યું કે મિશન 2030 માટે અમે જે સર્વે કર્યો હતો તેમાં કરોડોથી વધુ લોકોએ પોતાનો અભિપ્રાય આપ્યો હતો, અમે તેમના મંતવ્યોને ધ્યાનમાં રાખીને મેનિફેસ્ટો બનાવ્યો છે. અમારા વિચાર એવા છે કે વચનો ન આપો અને જો વચનો આપો તો તેને પાળજો. તેમણે વધુમાં કહ્યું કે આજે સમગ્ર દેશમાં રાજસ્થાનની ચર્ચા થઈ રહી છે, આપણા કાયદાઓ અને આપણી ગેરંટી યોજનાઓ છે. જેઓ પેપર લીકનો મુદ્દો બનાવી રહ્યા છે તેમને પૂછો કે શું તેઓએ હજુ સુધી કોઈપણ રાજ્યમાં કોઈની ધરપકડ કરી છે અને કાયદો બનાવ્યો છે?
Total Visiters :195 Total: 986773

By Admin

Leave a Reply

Your email address will not be published. Required fields are marked *