સ્પાઈસ જેટની દુબઈથી કોચી આવતી ફ્લાઈટનું ટાયર ફાટ્યું

Spread the love

ટાયર ફાટવા છતાં લેન્ડિંગ સુરક્ષિત રીતે થયું હતું અને કોઈ જાનમાલની હાનિ થઈ નથી

કોચી

દુબઈથી કોચી આવી રહેલી સ્પાઈસજેટની ફ્લાઈટનું ટાયર લેન્ડિંગ વખતે જ ફાટી ગયું હતું. સદ્નસીબે આ દુર્ઘટનામાં કોઈ જાનહાનિ થઈ નથી. દુબઈથી કોચી આવી રહેલી સ્પાઈસજેટની ફ્લાઈટ એસજી-17 દુર્ઘટનાગ્રસ્ત થઈ હતી. એરલાઈનના પ્રવક્તાએ આ દુર્ઘટનામાં કોઈ જાનહાનિ ના થઈ હોવાનું જણાવ્યું છે. મંગળવારે સવારે કોચી એરપોર્ટ પર આ ઘટના બની હતી.

સ્પાઈસજેટની કોચી આવી રહેલી ફ્લાઈટમાં દુર્ઘટના ટળી હતી. મંગળવારે સવારે સ્પાઈસજેટની ફ્લાઈટ કોચી એરપોર્ટ પર લેન્ડ થઈ એ વખતે તેનું ટાયર ફાટી ગયું હતું. દુબઈથી આવી રહેલી SG-17 ફ્લાઈટ કોચી એરપોર્ટ પર લેન્ડ થઈ એ વખતે ટાયર ફાટવાની ઘટના બની છે. જોકે, એરલાઈનના પ્રવક્તાનું કહેવું છે કે, ટાયર ફાટવા છતાં લેન્ડિંગ સુરક્ષિત રીતે થયું હતું અને કોઈ જાનમાલની હાનિ થઈ નથી.

સ્પાઈસજેટના પ્રવક્તાએ મીડિયાને જણાવ્યું કે, “4 જુલાઈના રોજ સ્પાઈસજેટ બોઈંગ 737 ઓપરેટેડ ફ્લાઈટ SG-17 દુબઈથી કોચી આવી રહી હતી. ફ્લાઈટ વૉક પછી ખબર પડી કે, બીજા નંબરનું ટાયર ફાટી ગયું છે. ફ્લાઈટ ઉડ્યા પછી અને ઉડાણ દરમિયાન પણ સિસ્ટમ બધા જ માપદંડો અનુસાર સામાન્ય રહી હતી અને લેન્ડિંગમાં પણ કોઈ તકલીફ નહોતી થઈ.

ઉલ્લેખનીય છે કે, સ્પાઈસજેટ દેશની સૌથી લેટલતીફ ફ્લાઈટ છે. તેની મોટાભાગની ફ્લાઈટો મોડી પડતી હોવાના રિપોર્ટ્સ આવ્યા છે. બ્લૂમબર્ગના રિપોર્ટ અનુસાર, મે મહિનામાં દેશના ચાર સૌથી મોટા એરપોર્ટ દિલ્હી, મુંબઈ, બેંગાલુરુ અને હૈદરાબાદથી સ્પાઈસજેટની ફક્ત 61 ટકા ફ્લાઈટ સમયસર ઉપડી હતી, તેવી વિગતો ડીજીસીએ પાસેથી મળી છે. સ્પાઈસજેટની રોજની 250 ફ્લાઈટ ઉડાણ ભરે છે. સમયબદ્ધતાની દ્રષ્ટિએ દેશની બીજી સૌથી મોટી ફ્લાઈટ એર ઈન્ડિયા પણ બીજા સ્થાનેથી સરકીને પાંચમા સ્થાને આવી ગઈ હતી. નવી લોન્ચ થયેલી અકાસા એર સમયબદ્ધતાના મામલે દેશમાં ટોચ સ્થાને રહી હતી.

કોરોનાકાળ પછી એવિએશન માર્કેટમાં ભારે ધસારો જોવા મળી રહ્યો છે અને માગ વધી રહી છે, પરિણામે વધુ ફ્લાઈટ્સ ડીલે થઈ રહી હોવાની માહિતી મળી છે. ઉપરાંત છેલ્લા ચાર વર્ષથી સ્પાઈસજેટ આર્થિક સંકડાશનો સામનો કરી રહી છે અને તેના કારણે બળતામાં ઘી હોમાયું છે. આ સિવાય મે મહિનામાં સ્કૂલમાં વેકેશનની સીઝન હોવાથી લોકોનું ટ્રાવેલિંગ વધી જાય છે અને તેના કારણે ફ્લાઈટની માગ સામાન્ય કરતા વધારે રહે છે.

Total Visiters :102 Total: 711365

By Admin

Leave a Reply

Your email address will not be published. Required fields are marked *