49મી રાષ્ટ્રીય મહિલા ચેસ ચેમ્પિયનશિપ-2023 રાજપથ ક્લબ, એસ.જી. હાઈવે, અમદાવાદ ખાતે ટૂર્નામેન્ટનો 7મો રાઉન્ડ પૂરો થયા પછી ગોવાની IM ભક્તિ કુલકર્ણી PSPBના IM સૌમ્યા સ્વામીનાથન સામે આરામથી વિજય સાથે 6.5 પોઈન્ટ સાથે ભક્તિને ટેબલમાં ટોચ પર પહોંચાડી છે. 8મા રાઉન્ડમાં ભક્તિ PSPBના WGM મેરી એન ગોમ્સ સામે લડશે. RSPBની WIM મહાલક્ષ્મી M અને PSPBની મેરી એન ગોમ્સે અનુક્રમે તામિલનાડુની રેબેકા જેસુમરિન અને આંધ્ર પ્રદેશની WIM બોમિની મૌનિકા અક્ષયાને 7મા રાઉન્ડમાં હરાવ્યા અને દરેક 6 પૉઇન્ટ મેળવ્યા જે તેમને બોર્ડ પર બીજા અને ત્રીજા સ્થાને મૂકે છે.
બીજી તરફ 7મો રાઉન્ડ પૂરો કર્યા બાદ ગુજરાતની WIM તેજસ્વિની સાગરે અપસેટ સર્જ્યો છે અને ટૂર્નામેન્ટની ટોચની ક્રમાંકિત ખેલાડી મહારાષ્ટ્રની WGM દિવ્યા દેશમુખને હરાવી છે જેમાં તેજસ્વિની 5.5 પોઈન્ટ સાથે ટેબલ પર ટોપ ટેનમાં સામેલ છે.8મા રાઉન્ડમાં તેજસ્વિની મહારાષ્ટ્રની WIM મૃદુલ દેહનકર સામે લડશે.
આ પ્રતિષ્ઠિત રાષ્ટ્રીય ટુર્નામેન્ટમાં ભારતના વિવિધ રાજ્યોમાંથી કુલ 152 ખેલાડીઓ ભાગ લઈ રહ્યા છે.
આ ટુર્નામેન્ટમાં સ્વિસ સિસ્ટમ હેઠળ કુલ 11 રાઉન્ડ રમાશે. ટોચના દસ વિજેતાઓને ટ્રોફી સાથે રૂ. 30 લાખના રોકડ પુરસ્કારનું વિતરણ કરવામાં આવશે. આ ટુર્નામેન્ટ 10.7.2023 ના રોજ સમાપ્ત થશે.