કુદરતી આફતો સામ રામમંદિર 1000 વર્ષ અડગ રહેશે

Spread the love

મંદિરના નિર્માણમાં ક્યાંય પણ લોખંડનો ઉપયોગ કરવામાં આવ્યો નથી, રામ મંદિરનો પાયો ભૂકંપ પ્રતિરોધક ક્ષમતા ધરાવે છે


અયોધ્યા
શ્રી રામ જન્મભૂમિ સંકુલમાં નિર્માણાધીન રામ મંદિર માત્ર ભવ્યતા જ નહીં પરંતુ ટેકનોલોજીની દ્રષ્ટિએ પણ ટોચ પર રહેશે. રામ મંદિરના નિર્માણ માટે કાર્યકારી સંસ્થાના એન્જિનિયરોએ દાવો કર્યો છે કે રામ મંદિર 8.0 રિક્ટર સ્કેલની તીવ્રતાના ભૂકંપ સામે પણ સુરક્ષિત રહેશે. મંદિરને કુદરતી આફતોથી બચાવવા માટે ખાસ ટેકનિકનો ઉપયોગ કરવામાં આવ્યો છે. જેના કારણે રામ મંદિર ઓછામાં ઓછા એક હજાર વર્ષ સુધી અડગ રહેશે. મંદિરના નિર્માણમાં ક્યાંય પણ લોખંડનો ઉપયોગ કરવામાં આવ્યો નથી.
એક્ઝિક્યુટિવ બોડી એક એન્જિનિયરે કહ્યું કે રામ મંદિરનો પાયો ભૂકંપ પ્રતિરોધક ક્ષમતા ધરાવે છે. સીબીઆરઆઈ રૂરકી અને ચેન્નઈના વૈજ્ઞાનિકોએ રામ મંદિરને ભૂકંપ પ્રૂફ બનાવવા માટે વિશેષ સંશોધન કર્યું છે. રામ મંદિરને એક સુરક્ષિત માળખું જાહેર કરવામાં આવ્યું છે જે આઠ રિક્ટર સ્કેલ પર ભૂકંપના આંચકાનો સામનો કરી શકે છે. આ મંદિર 70 ફૂટ ઊંડા પથ્થરોના ખડક પર આકાર લઈ રહ્યું છે.
મંદિરના પાયામાં કર્ણાટકના ગ્રેનાઈટ પત્થરોનો ઉપયોગ કરવામાં આવ્યો છે, જે પાણીના પ્રવાહને સહન કરવાની ક્ષમતા ધરાવે છે. મંદિરના નિર્માણમાં દેશની આઠ જાણીતી ટેકનિકલ એજન્સીઓની મદદ લેવામાં આવી છે. મંદિરનો પાયો લગભગ 50 ફૂટ ઊંડો છે. તેની ઉપર 2.5 ફૂટનો રાફ્ટ બનાવવામાં આવ્યો છે. રાફ્ટની ઉપર 21 ફૂટ ઉંચો પ્લિન્થ બનાવવામાં આવ્યો છે. મંદિર પ્લીન્થ ઉપર આકાર લઈ રહ્યું છે.

Total Visiters :94 Total: 711342

By Admin

Leave a Reply

Your email address will not be published. Required fields are marked *