ગીગીને તેની મિત્ર સાથ કેમેન ટાપુ પર ડ્રગ્સ સાથે ઝડપી લેવાઈ

ગીગી 10 જુલાઈના રોજ ગ્રાન્ડ કેમેનના ઓવેન રોબર્ટ્સ ઈન્ટરનેશનલ એરપોર્ટ પર તેની મિત્ર લેહ મેકકાર્થી સાથે ઉતરી હતી, જ્યાં તેમની પાસેથી મારિજુઆના (ગાંજો) કબજે લેવાયું

વોશિંગ્ટન
પ્રસિદ્ધ સુપર મોડલ ગીગી હદીદને લઈને એક મોટા સમાચાર સામે આવ્યા છે. અહેવાલ અનુસાર હદીદને થોડા દિવસો પહેલા કેમેન ટાપુ પર તેની મિત્ર સાથે મારિજુઆના ડ્રગ્સ સાથે પકડી લેવામાં આવી હતી. અહેવાલ મુજબ ગીગી 10 જુલાઈના રોજ ગ્રાન્ડ કેમેનના ઓવેન રોબર્ટ્સ ઈન્ટરનેશનલ એરપોર્ટ પર તેની મિત્ર લેહ મેકકાર્થી સાથે ઉતરી હતી, જ્યાં તેમની પાસેથી મારિજુઆના (ગાંજો) કબજે લેવાયું હતું.
અહેવાલ અનુસાર જ્યારે કસ્ટમ અધિકારીઓએ ગીગીના સામાનને સ્કેન કર્યો ત્યારે તેમને ગાંજો મળ્યો હતો. ત્યારપછી મૉડલ-ઍક્ટ્રેસની મારિજુઆના રાખવા અને આયાત કરવાની શંકાના આધારે ધરપકડ કરવામાં આવી હતી. 12 જુલાઈ, 2023 ના રોજ, ગીગી અને તેના મિત્ર મેકકાર્થીને સમરી કોર્ટમાં હાજર કરાયા હતા અને અધિકારીઓએ તેમને દોષિત ઠેરવ્યા હતા. ગીગી અને તેની મિત્ર મેકકાર્થી પર આરોપો બદલ $1,000નો દંડ ફટકારવામાં આવ્યો હતો અને પછી તેમને જામીન પર મુક્ત કરવામાં આવ્યા હતા.
ગીગી હદીદ અને તેની મિત્ર લેહ મેકકાર્થી પામ હાઇટ્સમાં રોકાયા હતા, જેના ફોટા અભિનેત્રીએ તેના સોશિયલ મીડિયા એકાઉન્ટ પર શેર કર્યા હતા. દરમિયાન, હદીદના પ્રવક્તાએ જણાવ્યું હતું કે, “ગીગી મેડિકલ લાયસન્સ સાથે એનવાયસીમાં કાયદેસર રીતે ખરીદેલ ગાંજા સાથે મુસાફરી કરી રહી હતી.” તે 2017 થી ગ્રાન્ડ કેમેનમાં તબીબી ઉપયોગ માટે પણ કાયદેસર છે. તેનો રેકોર્ડ સ્વચ્છ છે અને તેણે ટાપુ પર તેના બાકીના સમયનો સંપૂર્ણ આનંદ માણ્યો હતો.
ગીગી હદીદ છેલ્લા કેટલાક સમયથી તેના અંગત જીવનને લઈને ચર્ચામાં છે. રિપોર્ટ્સનું માનીએ તો તે ‘ટાઈટેનિક’ના એક્ટર લિયોનાર્ડો ડી કેપ્રિયોને ડેટ કરી રહી છે. લિયોનાર્ડો અને કેમિલા મોરોન તેમના ચાર વર્ષના સંબંધ પછી તૂટી ગયા પછી તરત જ ગીગી હદીદ સાથે અભિનેતાના સંબંધના સમાચાર સામે આવ્યા હતા. બંને ઘણી ઈવેન્ટ્સમાં પણ સાથે જોવા મળ્યા છે.