વોટ્સએપ યુઝર્સ માટે વીડિયો મેસેજ ફીચર રોલઆઉટ શરૂ કરાયું

Spread the love

વોટ્સએપ યુઝર્સ તેમના વોટ્સએપ કોન્ટેક્ટને 60 સેકન્ડ સુધીના વીડિયો મોકલી શકશે


નવી દિલ્હી
લોકપ્રિય મેસેન્જિંગ એપ વોટ્સએપનો ઉપયોગ વિશ્વભરમાં થાય છે. એક મોટા યુઝર બેઝ સાથેના આ પ્લેટફોર્મ પર યુઝર્સને નવા ફીચર્સ અંગે અપડેટ્સ મળતા રહે છે. વોટ્સએપના એન્ડ્રોઇડ અને આઈઓએસ યુઝર્સ માટે નવું અપડેટ આવી રહ્યું છે. વોટ્સએપ અપડેટ વિશે માહિતી આપતી વેબસાઈટના એક અહેવાલમાં વોટ્સએપના નવા ફીચર વિશે માહિતી આપવામાં આવી છે. આ અહેવાલ મુજબ કંપનીએ વોટ્સએપ યુઝર્સ માટે વીડિયો મેસેજ ફીચર રોલઆઉટ કરવાનું શરૂ કરી દીધું છે.
છેલ્લા કેટલાક દિવસોથી વોટ્સએપના આ ફીચરની ચર્ચા થઈ રહી હતી. વોટ્સએપના વીડિયો મેસેજ ફીચરની મદદથી યુઝર્સ શોર્ટ વીડિયો મોકલી શકશે. વોટ્સએપ યુઝર્સ તેમના વોટ્સએપ કોન્ટેક્ટને 60 સેકન્ડ સુધીના વીડિયો મોકલી શકે છે.
પ્રારંભિક તબક્કામાં ફક્ત વોટ્સએપના બીટા યુઝર્સ જ આ સુવિધાનો ઉપયોગ કરી શકશે. પ્લેટફોર્મના બીટા યુઝર્સ આઈઓએસ 23.6.0.73 અપડેટ અને એન્ડ્રોઇડ 2.23.8.19 અપડેટ સાથે ફીચરને એક્સેસ કરી શકે છે. લેટેસ્ટ અપડેટ ઇન્સ્ટોલ કર્યા પછી આ સુવિધાનો ઉપયોગ કરી શકાય છે.
વોટ્સએપના વિન્ડોઝ યુઝર્સ માટે પણ બે નવા ફીચર્સ ઉમેરવાનો અહેવાલ હતો. વેબએટાઈન્ફોના જ અહેવાલમાં વિન્ડોઝ યુઝર્સ માટે બે નવા ફીચર્સ વિશે માહિતી મળી હતી. વિન્ડોઝ યુઝર્સ માટે મેસેજ એડિટ ફીચર અને સ્ક્રીન શેરીંગ ફીચર રોલઆઉટ કરવામાં આવી રહ્યું છે. આ બે ફીચર્સ વોટ્સએપના આઈઓએસ અને એન્ડ્રોઇડ પ્લેટફોર્મ માટે પહેલાથી જ રોલઆઉટ કરવામાં આવ્યા છે. જો કે આ સુવિધા હાલમાં વિન્ડોઝ યુઝર્સ માટે રોલઆઉટ કરવામાં આવી રહી છે.

Total Visiters :180 Total: 708870

By Admin

Leave a Reply

Your email address will not be published. Required fields are marked *